Presidenti i Ukrainës Volodymyr Zelensky, ka falenderuar presidentin Ilir Meta, në lidhje me mbështetjen e dhënë këtë të mërkurë për Ukrainën, në Ditën Kombëtare të Unitetit, e cila pritej të ishte dhe dita e pushtimit rus.
Përmes një postimi në Twitter Zelensky shkruan se vlerëson solidaritetin e Shqipërisë dhe thekson se së bashku jemi më të fortë dhe e bëjmë Ukrainën më të fortë.
“I jam mirënjohës Presidentit Ilir Meta për fjalët e tij të mbështetjes në Ditën Kombëtare të Unitetit! Ne vlerësojmë solidaritetin e Shqipërisë, miqve dhe partnerëve të tjerë, për hir të një të ardhmeje të përbashkët evropiane. Së bashku ne e bëjmë Ukrainën më të fortë! #Së bashku më të fortë”, shkruan Zelensky në Twitter.
I am grateful to President @ilirmetazyrtar for his words of support on #UnityDay! We appreciate the solidarity of Albania, other friends and partners with for the sake of a common European future. Together we make Ukraine stronger! #StrongerTogether
— Володимир Зеленський (@ZelenskyyUa) February 16, 2022
Mesazhi i Presidentit Meta në mbështetje të Ukrainës:
Shumë frymëzuese dita e sotme në Ukrainë – shembull i unitetit kombëtar dhe vendosmërisë së këtij vendi mik.
Shqipëria dhe komuniteti ndërkombëtar qëndrojnë në krah të Ukrainës, në mbështetje të integritetit të saj territorial dhe të së drejtës së popullit të saj për të zgjedhur aleancat dhe të ardhmen e tyre.
